Limang daang piso
ang tawad ko
sa stalactite
singhugis ng kalahating hita
ng pitong-taong bata.
Binalot iyon
sa lumang diyaryo
ipinailalim sa damit at libro
sa aking overnight bag.
Naglakbay pababa sa bundok
sumubo sa trapik
saka ko iniluklok
sa piling tanghalan
sa aking silid-aklatan.
Kinagabihan
taimtim na pinagmasdan
pinagmuni-munihan
sa tanglaw ng puting liwanag
ng lamparang fluorescent.
Doon
sadyang nabanghay
maningning na krokis
ng aking kalansay.
