Poetry Issue 15

   Issue #17 : July-December 2012

Om Narayan Velasco





      ***

      Taong 1597, sa isa sa mga pueblo
      sa encomienda ng Taitai. Bumaba
      mula sa kabundukan ang isang salvaje
      na nagngangalang Sayor (na ibig sabihin
      ay magnanakaw). Takot sa kanya ang lahat
      sapagkat kinakain niya kahit ang mga ahas
      tuwing nagugutom at kaya niyang tumakbo
      at lumundag tulad ng isang mailap na hayop.

      Nakita ko ang nilalang. Kusa siyang lumapit.
      Walang saplot, liban sa kapirasong
      tela sa pigi kung saan nakasuksok
      ang isang punyal. Hinaplos ko siya,
      pinaamo ng mga regalo at kabaitan.
      Limang taon. Hanggang sa wakas.

      Pablo
      ang kanyang naging
      pangalan.

       

previous      next