Poetry Issue 15

   Issue #17 : July-December 2012

Om Narayan Velasco





      ***

      Hindi nakatulog ang mag-aaral.

      Lumalagos sa siwang ng pintuan
      ang liwanag mula sa labas.

      Kalaunan, lalo siyang nabulahaw
      ng ingay. Sa kuwento ng isang

      misyonero, mainam magsulat
      ang mga katutubo

      Bagaman walang dasal na nakasulat.
      Saulado nila ang alay sa mga anito.

      Kalaunan, nagimbal
      ang ibang misyonero.

      Inilarawan nila ang impyerno:
      apoy na nagngangalit

      Hindi nila matiyak
      kung paano susunugin

      ang kanilang mga awit.

       

previous      next