Poetry Issue 15

   Issue #15 : July-December 2011

Mesándel Virtusio Arguelles



mula sa Aralin sa Kasaysayan


      Nakaturo sa langit ang parola.
      Walang barko na naaabot-
      tanaw. Walang baybay na nababalik-
      tanaw. Hiniwa ng mga eroplano

      ang mga ulap. Umulan dito
      at natigmak ang buong isla. Kailanman
      hindi napapayapa ang dagat, parating
      ang puwersa ng alon sa dalampasigan.

      Minsang binulag ang parola,
      hinungkag sa liwanag na hindi naisalba
      kahit ang sarili, tanda hanggang ngayon
      hindi maisasalba ang sarili.

       

previous      next