Poetry Issue 15

   Issue #15 : July-December 2011

Mesándel Virtusio Arguelles



mula sa Aralin sa Kasaysayan


      Mga bilanggo ang lumikha ng tunel.
      Lumilikha ng tunel ang mga bilanggo
      upang makatakas (hindi makalaya).
      Maraming nakulong sa tunel

      hindi lamang karimlan. Lagusan
      sa paanan ng gulod na saang dulo
      humahantong kung mayroong dulo. Dito
      naiiwan sa bungad ang mga anino.

      Dito pinasambulat ng mga kaaway
      ang mga sarili kaysa sumuko. Sa saglit
      idiniin ng gayong pagsambulat
      ang pagkapira-piraso ng kubling liwanag.

       

previous      next