Mga mata ng piniling mawala
Sandali lamang natunghayan
Ang mga mata
Ang mga mata
Ng piniling
Mawala
Sandali!
Maingat ang mga mata
Ang mga mata
Maingat
Maingat na tinutunghayan ka.
*
Ang nahuli sa mundo
Sa sandaling iyon
Ang natatanaw
Natutunaw
*
Ang hindi magwawakas
Natagpuan ko ang isang lungsod.
Kay-tayog ng mga gusali nito,
Kay-tayog ng mga gusali
Matapos ang Huling Dakilang Pagsunog.
Mula rito, tanaw ang mga tore
Ng usok. Tanaw ang mga tore
Ng mumunting balat ng abo,
Mumunting balat ng abo
Na tumitiklop, tumitiklop sa hangin,
Sa ating mga palad—nagdadaop.
