Unang nahukay ang mga yuping sasakyan
Sakay ang mga katawang yupi ang mga mukha.
Ang opisyal na bilang, limampu’t pitong bangkay.
Sunod nilang nabungkal ang mga armas,
Matataas na kalibre ng sandatang pang-aklas
Dalawang batalyon ang opisyal na bilang.
Huling tumambad ang kahun-kahong mga balota,
Inilibing nang hindi nabibilang. At sa pagtaas
ng bilang, lumalalim ang libingang kinatatayuan.
