Poetry Issue 11

   Issue # 11: January-June 2009

Frances Moreen Naputo



Psychiatric Ward


      Kasama



      May distansiya siyang iniingatan sa pagitan niya
      at ng dingding. Nakaharap ang likod sa liwanag.

      Ilang subok na ang kanyang isinugal upang mahawakan
      ang kanyang anino, ngunit naaabot lamang

      ang nagbago. Kaya ganito siyang nananatili, hanggang
      sa mahabang pikit na gabi. Sa naglahong liwanag, saklaw

      ng anino ang lalim ng silid. Lunod sa sarili nitong dilim.
      Sinasayawan niya ang saliw ng himig na siya lamang

      ang nakaririnig. Saka niya muling ibinubukas ang mga palad
      upang mahawakan ang hangin.

       

previous     next