Sinimulan niya sa pamagat
ang lahat ng maisasalba.
Nakaipon siya ng tatlong
namumuwalang balikbayan box.
Tinipon niya ang lahat
ng maisasalbang katawan
sa isang banga,
sa isang polyurethane na banga.
Ibinigay niya ang lahat ng maisasalba
sa Pambansang Dambana
ng Kabanal-banalang
Puso ni Maria Poonbato
sa Edsa corner Veteran’s Village.
Inihalo sa kawa ng eskayola.
Inihulma sa molde ng kabayong
tatatlo ang paa.
At tinawag siyang Sñr. Pastol
matapos lagdaan ang sertipiko
ng pagtanggap sa lahat ng maisasalba.
|
