Sa nasilip niyang pagtatalik,
Napaypayan ang libog sa kanyang isip.
Hindi niya nais magkabahid-dungis
Kayâ inialay sa Diyos ang kanang kamay.
Nagparingas siya ng apoy
At unang isinugba ang hintuturo.
Nasunog ang lima niyang daliri
Nang walang nadaramang kirot.
Idinampi niya ang palad sa titi
Upang makaramdam ng anumang pakiramdam.
Nang lumabas ang kanyang tamod,
Napunô ang loob niya ng luwalhati at takot.
Nais niyang tapyasin ang kamay at ari,
Ngunit putol na ang sampu niyang daliri.
